ଜାଣନ୍ତୁ ବିଶ୍ୱର କେତେକ ପ୍ରସିଦ୍ଧ ମମି(Famous Mummy) ବିଷୟରେ |

Know about some of the world's most famous mummies, World Famous Mummies,The Mummy, Egypt, India, Odisha, Odia, KnowledgeOdia
‘ମମି’ କଥା ମାନେପଡ଼ିଲେ ମନେପଡେ ମିଶର୍ ଦେଶ । ବିଶ୍ୱର ସର୍ବାଧିକ ମମି(Mummy) ଦେଖିବାକୁ ମିଳେ ମିଶର ଦେଶରେ ତଥା ଆଜିର ଇଜିପ୍ଟରେ । ମମି ହେଉଛି ରାଜା, ମହାରାଜା ଓ ସମ୍ଭ୍ରାନ୍ତ ଲୋକଙ୍କ ଶବ । ମିଶରରେ ବୃହତାକାୟ ପିରାମିଡ୍ ଭିତରେ ବିଭିନ୍ନ ରାଜା ଓ ସମ୍ଭ୍ରାନ୍ତ ମରଶରୀରକୁ ମମି ଆକାରରେ କବର ଦେବାର ପରମ୍ପରା ଅତି ପ୍ରାଚୀନ। ବିଶ୍ୱର ଅନ୍ୟାନ୍ୟ ସ୍ଥାନ ଋଷିଆ, ଫ୍ରାନ୍ସ, ଚାଇନା ଆଦି ଦେଶରେ ମଧ୍ୟ ମର ଶରୀରକୁ ମମି ଆକାରରେ କବର ଦେବାର ପରମ୍ପରା ଅଛି ।  ମୃତ ରାଜା, ମହାରାଜା ଓ ସମ୍ଭ୍ରାନ୍ତ ବ୍ୟକ୍ତିଙ୍କ ମର ଶରୀରକୁ ବିଭିନ୍ନ ପ୍ରାକୃତିକ ପ୍ରଲେପ(Natural Lotion) ଦେଇ ଦୀର୍ଘସ୍ଥାୟୀ କରାଯିବା ପରେ ଏକ କଫିନରେ ସୁନା ରୂପ ଆଦି ମୂଲ୍ୟବାନ ଦ୍ରବ୍ୟ ସହିତ ବନ୍ଦ କରିଦିଆଯାଏ । ଏଭଳି ଶବ ରହିଥିବା କଫିନକୁ ‘ମମି’ କୁହାଯାଏ ଏବଂ ତ୍ରିଭୁଜାକାରରେ ନିର୍ମିତ ବିରାଟକାୟ ସୌଧ ପିରାମିଡରେ ଏହାକୁ ରଖାଯାଏ । ଆସନ୍ତୁ ଜାଣିବା ପୃଥିବୀର କିଛି ପ୍ରସିଦ୍ଧ ମମି(Famous Mummy) ବିଷୟରେ..

୧. ଏଲମର ମ୍ୟାକ୍କଡ଼ି(Elmeer Mc. Curdy):

୧୯୧୧ ମସିହାରେ ଆମେରିକାର ଓକାଲାହାମା(Oklahoma)ଠାରେ ଏକ ଗୁଳିମାଡ଼ରେ ମୃତୁବରଣ କରିଥିବା ଏଲମର ମ୍ୟାକ୍କଡ଼ିଙ୍କ ଶବର କେହି ଦାବିଦାର ନଥିଲେ । ତାଙ୍କ ଶବଟିକୁ ପାଇଥିବା ବ୍ୟକ୍ତି ଏହାକୁ ମମି ରୂପରେ ରୂପାନ୍ତରିତ କରିବାକୁ ନିଷ୍ପତ୍ତି ନେଇଥିଲା । ପରେ ଏଲମର ମ୍ୟାକ୍କଡ଼ିଙ୍କ ଭାଇ ମମିଟିକୁ ନେବାକୁ ଦାବି କରିଥିଲେ । କିନ୍ତୁ ଲୋକଟି ଏହାକୁ କର୍ଲିଫାନିଆ ମିଉଜିୟମ(California Museum)କୁ ବିକ୍ରି କରିଦେଇଥିଲେ ।

Know about some of the world's most famous mummies, Elmeer Mc. Curdy, World Famous Mummies,The Mummy, Egypt, India, Odisha, Odia, KnowledgeOdia

୨. ଭ୍ଲାଦିମର ଲେନୀନ(Vladimir Lenin):

ରୁଷିଆର ଜଣାଶୁଣା ରାଜନୈତିକ ନେତା ଭ୍ଲାଦିମର ଲେନୀନ(Vladimir Lenin)ଙ୍କ ୧୯୨୪ ମସିହାରେ ହୃଦଘାତରେ ମୃତୁହେଲାପରେ ତାଙ୍କ ମାର ଶରୀରକୁ ମମିରେ ପରିଣତ କରାଯାଇଥିଲା। ତାଙ୍କ ମମିକୁ ଲେନିନ ମିଉଜିୟମ(Lenin Museum)ରେ ରଖାଯାଇଥିଲା।

Know about some of the world's most famous mummies, Vladimir Lenin, World Famous Mummies,The Mummy, Egypt, India, Odisha, Odia, KnowledgeOdia

୩. ସେଣ୍ଟ ବର୍ନାଡେଟ୍(St. Bernadette):

ଫ୍ରାନ୍ସ୍ ଚର୍ଚ୍ଚର ସନ୍ୟସିନୀ ସେଣ୍ଟ ବର୍ନାଡେଟ୍(St. Bernadette)ଙ୍କର ମରଶରୀରକୁ ମମିରେ ପରିଣତ କରାଯାଇଥିଲା । ଏହାକୁ ଦେଖିବାକୁ ଦର୍ଶକଙ୍କ ମନରେ ଉତ୍ସାହ ପରିଲକ୍ଷିତ ହୋଇଥିଲା ।
Know about some of the world's most famous mummies, St. Bernadette, World Famous Mummies,The Mummy, Egypt, India, Odisha, Odia, KnowledgeOdia

୪. ଜୁଆନିତା(Juanita):

୧୯୯୫ ମସିହାରେ ବରଫ ପାହାଡ଼ ତଳୁ ଅବିସ୍କୃତ ହୋଇଥିବା ପେରୁର ଜୁଆନିତାଙ୍କର ୫୦୦ ବର୍ଷ ତଳେ ମୃତୁ ଘଟିଥିଲା। ବରଫ ତଳେ ତାଙ୍କ ଶରୀରର ବିଭିନ୍ନ ଅଂଶ କେଶ, ଚର୍ମ ଓ ରକ୍ତ ୫୦୦ ବର୍ଷ ଧରି ସତେଜ ଥିଲା । ଜୁଆନିତାଙ୍କ ଶବ ଆବିଷ୍କୃତ ହେବା ପରେ ଡାକ୍ତରୀ ଦଳ ୫୦୦ ବର୍ଷ ତଳର ଘଟଣା ବିଷୟରେ ଅନେକ ତଥ୍ୟ ହାସଲ କରିଥିଲେ । ପେରୂ ମିଉଜିୟମ(Peru Museum)ରେ ଜୁଆନିତାଙ୍କ ମମିକୁ ଦେଖିବାକୁ ଗହଳି ହୋଇଥାଏ ।

Know about some of the world's most famous mummies, Juanita, World Famous Mummies,The Mummy, Egypt, India, Odisha, Odia, KnowledgeOdia

୫. ଓଜି ଦି ଆଇସମ୍ୟାନ(Otzi The Iceman):

ଅଲପାସ୍ ପର୍ବତମାଳାର ବରଫ ଭିତରେ ୫୦୦୦ ବର୍ଷ ଧରି ପୋତି ହୋଇରହିଥିବା ଓଜିଙ୍କ ଶବକୁ ୨୯ ବର୍ଷ ତଳେ ଆବିଷ୍କାର କରାଯାଇଥିଲା । ଖି.ପୂ. ୩୩୦୦ ମସିହାରେ ମସିହାରେ ଏହି ବ୍ୟକ୍ତି ପ୍ରଚୁର ରକ୍ତସ୍ରାବ ଯୋଗୁଁ ମୃତୁବରଣ କରିଥିବା ଜଣା ଯାଇଛି । ଏହି ମମିଟି ଇଟାଲୀର ମିଉଜିୟମ(Italy Museum)ରେ ରହିଛି।Know about some of the world's most famous mummies, Otzi The Iceman, World Famous Mummies,The Mummy, Egypt, India, Odisha, Odia, KnowledgeOdia

୬. ଜିଞ୍ଜର(Jinjer):

୫୦୦୦ବର୍ଷ ତଳର ଏହି ମାମିଟି ମିଶରରେ ମିଳିଥିଲା । ଏହି ମମିଟି ଅଧପୋଡ଼ା ଅବସ୍ଥାରେ ଥିବାରୁ ପ୍ରଥମେ ଏହାକୁ ପୋଡିଦେବାର ନିଷ୍ପତ୍ତି ହୋଇଥିଲା ଓ ପରେ ଏହାକୁ ମମିରେ ପରିଣତ କରିବାର ନିଷ୍ପତ୍ତି ନିଆଯାଇଥିଲା । ଏହାର କିଛି କିଛି ମାଂସ ପୋଡ଼ି ଯାଇଛି । ଏହି ମାମିଟି ଜିଞ୍ଜର(Jinjer) ନାମରେ ପ୍ରସିଦ୍ଧ । ଏହାର କେଶ ଓ ନଖଗୁଡିକ ଜୀବନ୍ତ ଭଳି ଦିଶେ । ବ୍ରିଟିଶ ମିଉଜିୟମ(British Museum)ରେ ଏହି ମମିଟି ରହିଛି ।

Know about some of the world's most famous mummies, Jinjer, World Famous Mummies,The Mummy, Egypt, India, Odisha, Odia, KnowledgeOdia

୭. ଟଲ୍ୟାଣ୍ଡ ମ୍ୟାନ(Tollund Man):

ଖି.ପୂ. ଚତୁର୍ଥ ଶତାବ୍ଦୀର ଏହି ମମିଟି ୧୮୫୦ ମସିହାରେ ଆବିଷ୍କୃତ ହୋଇଥିଲା । ଏହି ଲୋକଟି ଆତ୍ମହତ୍ୟା କରିଥିବା ଅନୁମାନ କରାଯାଉଛି । ଏହାର ବେକରେ ରାଶି ଲାଗିଥିବାରୁ ଏପରି ଅନୁମାନ କରାଯାଉଛି । ଏହି ମମିଟି ଡେନମାର୍କର ମିଉଜିୟମ(Denmark Museum)ରେ ରହିଛି ।

Know about some of the world's most famous mummies, Tollund Man, World Famous Mummies,The Mummy, Egypt, India, Odisha, Odia, KnowledgeOdia

୮. ରୋଜାଲିଏ ଲୋମ୍ବାଡ(Rosalia Lombardo):

୧୯୧୮ରେ ଜନ୍ମଗ୍ରହଣ କରିଥିବା ଏହି ବାଳିକାଟି ଦୁଇ ବର୍ଷପରେ ମୃତୁବରଣ କରିଥିଲା । ଏହି ମୃତୁରେ ବାଳିକାଟିର ବାପା ମର୍ମାହତ ହୋଇପଡ଼ିଥିଲେ। ନିଜ ଝିଅର ଶରୀରକୁ ସୁରକ୍ଷିତ ରଖିବାକୁ ଏକ ପ୍ରସିଦ୍ଧ ଡକ୍ଟରଙ୍କ ସହାୟତା ନେଇଥିଲେ ଓ ସେହି ଡାକ୍ତରଙ୍କ ସହାୟତାରେ ଏପରି ଭାବରେ ସରକ୍ଷିତ ରଖିଛନ୍ତିଯେ, କେହି ଦେଖିଲେ ଲାଗିବ ଯେମିତି ଝିଅଟି ନିଶ୍ଚିନ୍ତରେ ଶୋଇଛି । ସିସିଲିର ମିଉଜିୟମ(Sicily Museum)ରେ ଏହି ମମିଟିକୁ ରଖାଯାଇଛି ।

Know about some of the world's most famous mummies, Rosalia Lombardo, World Famous Mummies,The Mummy, Egypt, India, Odisha, Odia, KnowledgeOdia

୯. ରାଜା ତୁତଙ୍ଗାମୁନ(King Tutangamun):

ଖି.ପୂ. ୧୩୨୩ରେ ମିଶରର ରାଜା ଫାରୋ ତୁତଙ୍ଗାମୁନଙ୍କର ମୃତୁହେଇଥିଲା । ତାଙ୍କର ମୃତ୍ୟୁ କିପରି ହୋଇଥିଲା ବିଶେଷଜ୍ଞମାନେ ଠିକରେ କହିପରୁନାହାନ୍ତି। କେହି କେହି ଏହାକୁ ହତ୍ୟା କହୁଥିବା ବେଳେ କେହି କେହି ଏହାକୁ ଦୁର୍ଘଟଣା କହୁଛନ୍ତି । ମାତ୍ର ୯ ବର୍ଷ ବୟସରେ ଫାରୋ(ମିଶରର ରାଜାଙ୍କୁ କୁହାଯାଏ) ହୋଇଥିବା ତୁତଙ୍ଗାମୁନଙ୍କର ମାତ୍ର ୧୯ ବର୍ଷ ବୟସରେ ମୃତୁ ହୋଇଥିଲା । ମୃତୁପରେ ତାଙ୍କ ମାରଶରୀରକୁ ସଂରକ୍ଷଣ କରାଯାଇ ମମିରେ ପରିଣତ କରାଯାଇଥିଲା । ୧୯୨୨ରେ ତାଙ୍କ ମମିଟି ଆବିଷ୍କୃତ ହୋଇଥିଲା । ସେହି ମମିଟି ଏବେ କାଏରୋ ମିଉଜିୟମ(kiara Museum)ରେ ରହିଛି ।

Know about some of the world's most famous mummies, King Tutangamun, World Famous Mummies,The Mummy, Egypt, India, Odisha, Odia, KnowledgeOdia

୧୦. ଲେଡି ଡାଇ(Lady Dai):

ଚାଇନିଜ୍ ଦ୍ଵାରା ଲେଡି ଡାଇଙ୍କର ମମିଟି ୧୯୭୧ରେ ଆବିଷ୍କୃତ ହୋଇଥିଲା । ଏହି ମମିଟି ୨୦୦୦ ବର୍ଷ ତଳର । ଚୀନ୍ ଶାସକଙ୍କୁ ପତ୍ନୀ କିନ ଯୁଇ(ଲେଡି ଡାଇ) ଅତ୍ୟନ୍ତ ସୁନ୍ଦର ଥିଲେ । ମୃତୁକୁ ନେଇ ଠିକ୍ ତଥ୍ୟ ନଥିଲେ ମଧ୍ୟ ତାଙ୍କର ଶରୀରରେ କୁକୁର କାମୁଡ଼ାର ଦାଗ ଅଛି । ମୃତୁପରେ ଶରୀରକୁ ସୁନ୍ଦର ଭାବରେ ସଂରକ୍ଷିତ କରିଥିବା ଯୋଗୁଁ ତାଙ୍କ ଚର୍ମ ନରମ ଓ ସତେଜ ଅଛି । କେଶ ଗୁଡ଼ିକ ମଧ୍ୟ ଜୀବନ୍ତ ଲୋକଟିଏ ପରି ରହିଛି । ଡାକ୍ତରୀ ଦଳ ଅନୁଧ୍ୟାନ କରି ଜାଣିଥିଲେ ଯେ, ହୃଦୟରେ ଚର୍ବି ଜମିଯାଇଥିବାରୁ ଲେଡି ଡାଇଙ୍କର ମୃତୁ ହୋଇଥିଲା । ଚିନର ହୁନାନ ପ୍ରୋଭିନସିଆଲ ମିଉଜିୟମ (Provincial Museum)ରେ ଏହି ମମିଟି ରହିଛି ।

Know about some of the world's most famous mummies, Lady Dai, World Famous Mummies,The Mummy, Egypt, India, Odisha, Odia, KnowledgeOdia



Leave a Reply

Your email address will not be published.